|
|
|
Etter et opphold i LM-arkivet er det på plass igjen, bildet av Dagny Halds skulptur som ønsker alle sjøfarende velkommen til den gamle hollenderstaden Son.
LM-foto: Sturla Strand ©.
|
|
|
Magasindiktet
Opprinnelig publisert i Lokalmagasinet.no 2003.
Overført til ny publiseringsplattform 02.12.09
KOMMUNIKASJON UNDERVEGS
(Reporter Medium Blues)
Min veg er brulagd
med mål og meining,
jamvel med brustne illusjonar,
ja sjå:
Døgnet er kortare
enn eg trur,
mediet sterkare
enn eg veit
og orda både fattigare og rikare
enn eg håpar
Eg ser vegen er full av plikter,
ja langs vegen står skilt
som gir beskjed
kor eg skal gå,
men ikkje kor eg er
Retninga er fastlagt
utan omvegar,
støy i kanalen
berre forvanskar
bodskapen
Eg formar og sender orda,
bodskapen min kjem
gjennom mediet,
foran orda sit massen
og tar imot
Så sant eg kan
teiknar eg eit sant bilete
med sanne ord
og sender sanne rapportar
MEN KOR ER EG?
Undervegs
fins ingen skilt,
berre vegen,
min veg
brulagd med hastige ord,
mine ord
hastig brulagde med meg
Blir eg alltid undervegs?
Er målet undervegs?
Eller er undervegs målet
eg ikkje vil sjå?
Mediet er sterkare enn eg veit –
Svein-Harald Strand, 1991.
Tidligere upublisert.
Til 20-årsjubileet for avgangskullet
ved Norsk Journalistskole 1970-1971
|
|
