Å bu i Son kan vere
ein gryande vinterfredag
å vakne
til noko annleis
Augneblinksyner
som ikkje var der i går
som kanskje aldri kjem attende til meg
er der no ja berre no
Trekke gardina mot vest
i mitt vindauge mot verda
sakte sakte til sides
akkurat då det fargelause har fargar
Akkurat då "Hausten"
i teneste jamvel ein gryande januardag
rundar Laksa-odden
for fulle segl
Å bu i Son kan vere
ein morgongråkvit pastell ein annan ser
som kan gje meg òg ei glede
så stor at eg skriv eit lite dikt
SVEIN-HARALD STRAND
18. januar 2009
